Noyabrın 20-də Lent.az xəbər portalı haker hücumuna məruz qalıb. Portalın texniki xidmət şöbəsinin əməkdaşları APA-ya bildiriblər ki, hücum “Troyan bot net” tipli virus vasitəsilə həyata keçirilib.
Noyabrın 21-də isə Lent.az-ın fəaliyyəti bərpa edilib. Belə ki, texniki şöbənin əməkdaşları hücumun qarşısını alsalar da, bazanı bərpa etmək hələlik mümkün olmayıb. Hadisə nəticəsində, Lent.az-ın 2009-cu ilin fevralından bu günə kimi olan arxivi itib. Arxivin bərpa edilməsi üçün zəruri tədbirlər görülür.