Ötən həftə ailə üzvləri 16 saylı cəzaçəkmə müəssisəsində cəza çəkən “Millətim” qəzetinin baş redaktoru Fərəməz Novruzoğlu ilə görüşüblər.
Bu barədə Reportyorların Azadlıq və Təhlükəsizlik İnstitutuna (RATİ) “Millətim” qəzetinin baş məsləhətçisi Ramiz Tağıyev məlumat verib. O bildirib ki, Fərəməz Novruzoğlu noyabrın 18-də ad gününü həbsxanada qeyd edib.
“Fərəməz saxlanma şəraitindən və səhhətindən heç bir narazılıq etməyib. O, azadlığa çıxdıqdan sonra daha ciddi faktları açıqlayacağını bildirib” – deyən R.Tağıyev onu da qeyd etdi ki, F. Novruzoğlu Penitensiar Xidmət üzrə keçirilən bilik yarışında birinci yeri tutub.
Xatırladaq ki, “Azadlıq Hərəkatçıları Birliyinin” sədri T.Novruzovun xüsusi ittiham qaydasında qaldırdığı iddiaya əsasən 8 oktyabr 2009-cu il tarixdə Fərəməz Novruzoğlu üç ay müddətinə azadlıqdan məhrum edilib.