Bu gün (24 dekabr ) Bakı Apellyasiya Məhkəməsində hakim Sahibxan Mirzəyevin sədrliyi ilə Təhsil Nazirliyinin nəzdində fəaliyyət göstərən “Dərslikləri Qiymətləndirmə Şurası”nın təhsil məsələləri üzrə ekspert Əlövsət Osmanlıya qarşı iddiasına əsasən Yasamal rayon Məhkəsinin 5 noyabr 2010-cu il tarixdə verdiyi qərardan apellyasiya şikayəti üzrə məhkəmə prosesi keçirildi.
E. Sadıqov apellyasiya şikayəti ərizəsində olan imzaların imza sahiblərinə məxsus olmadığını və məhz bu səbəbdən xüsusi ittihamçıların hamısının məhkəmədə iştirakının təmin edilməsini məhkəmədən xahiş etdi.
Müşavirədən qayıdan hakim S. Mirzəyev isə Yasamal rayon Məhkəməsinin qərarının ləğv edilməsi və işin yenidən ilkin instansiya məhkəməsinə qaytarılması barədə çıxardığı qərarı elan etdi.
Prosesdən sonra Ə. Osmanlı hakimin bu qərarından kassasiya şikayəti verəcəklərini bildirdi.
Xatırladaq ki, Ə.Osmanlının “Azadlıq” qəzetində təhsildəki nöqsanlarla bağlı yazdığı silsilə yazılardan birində getmiş “Dərslikləri Qiymətləndirmə Şurası dərslik komplektlərinin seçimində saxtakarlığa yol verir” cümləsini özlərinə qarşı böhtan hesab edən Dərslikləri Qiymətləndirmə Şurası” üzvləri Cinayət Məcəlləsinin 147.1 maddəsi ilə Yasamal Rayon Məhkəməsinə müraciət ediblər. Yasamal rayon Məhkəməsi 5 noyabr 2010-cu il tarixdə işə xitam verilməsi barədə qərar çıxarmışdı.