QEYDİYYATDAN KEÇMİŞ KİV-İN SİYAHISI SAYTDA YERLƏŞDİRİLƏCƏK

fevral 7th, 2008
Ədliyyə Nazirliyi üç gün ərzində Azərbaycanda qeydiyyatdan keçən KİV-nin siyahısını nazirliyin rəsmi internet səhifəsində yerləşdirəcək.

Bu haqda məlumat RATİ-yə Ədliyyə Nazirliyindən verilib.
RATİ 24 yanvar 2008-ci ildə nazir Fikrət Məmmədova müraciət etmişdi. Müraciətdə Ədliyyə Nazirliyində qeydiyyata alınan çap KİV-nin siyahısının RATİ-yə  təqdim edilməsi xahiş olunmuşdu. Müraciətə cavab gəlmədiyindən dünən (06 fevral) nazirliklə əlaqə saxladıq. Nazirlikdən bildirdilər ki, “qeydiyyatdan keçən KİV-in sayı çox olduğundan onların siyahısını məktub vasitəsilə göndərə bilmərik. Həmin siyahı üç gün ərzində internet səhifəmizdə yerləşdiriləcək”.