Bu gün (26 may) “Xural” qəzetinin baş redaktoru Əvəz Zeynallı rəhbərlik etdiyi qəzetin redaksiyasında səsdinləmə qurğusunun aşkar olunması barədə Reportyorların Azadlıq və Təhlükəsizlik İnstitutunun (RATİ) Qaynar Xəttinə məlumat verib.
Dərhal redaksiyaya gedən RATİ-nin operativ qrupu Əvəz Zeynallının iş masasının üzərində sökülmüş vəziyyətdə olan stolüstü elektron saatın içərisində mobil telefon hissələrinin olduğunun şahidi olublar. Əvəz Zeynallı bildirib ki, bu saatı təxminən 2 ay əvvəl ona “Bizim Gündəm” qəzetinin baş redaktoru, “Ümid” partiyasının sədr müavini Məhəmməd Ərsoy hədiyyə edib. “Bu gün saatın içərisində səsdinləmə qurğusunun olmasından şübhələnərək, redaksiya əməkdaşları ilə birlikdə onu sökdük. Saatın içində mobil telefon hissələrinin kustar üsulla bir-birinə bənd edildiyinin şahidi olduq” – deyən Əvəz Zeynallı əlavə etdi ki, bunun səsdinləmə cihazı olması şübhə yaratdığından, dərhal Daxili İşlər Nazirliyinin (DİN) mətbuat xidmətinə məlumat veriblər. Sadiq Gözəlov bildirib ki, Daxili İşlər naziri fəlakət bölgəsində – Sabirabad rayonunda olsa da, ona hadisə ilə bağlı məlumat verilib və nazir məsələni nəzarətə götürüb.
Daha sonra redaksiyaya gələn Məhəmməd Ərsoy saatın içərisində hər hansı başqa təyinatlı cihazın olmasından xəbərdar olmadığını və bu saatı ona bir tanışının hədiyyə etdiyini deyib. “Mən də həmin saatı Əvəz Zeynallıya hədiyyə etmişəm” – deyə Məhəmməd Ərsoy bildirib.
Xatırladaq ki, “Xural” qəzeti 2002-ci ilin oktyabr ayında fəaliyyətə başlayıb və həftəlik dərc olunur.
Daha sonra redaksiyaya gələn Məhəmməd Ərsoy saatın içərisində hər hansı başqa təyinatlı cihazın olmasından xəbərdar olmadığını və bu saatı ona bir tanışının hədiyyə etdiyini deyib. “Mən də həmin saatı Əvəz Zeynallıya hədiyyə etmişəm” – deyə Məhəmməd Ərsoy bildirib.
Xatırladaq ki, “Xural” qəzeti 2002-ci ilin oktyabr ayında fəaliyyətə başlayıb və həftəlik dərc olunur.