Müstəqil İnformasiya Agentliyi (MİA) İmişli rayon İcra Hakimiyyətinin başçısı Vilyam Hacıyev tərəfindən məhkəməyə verilib. Bu barədə mia.az saytı məlumat yayıb. Məlumatda qeyd olunur ki, icra başçısının məhkəməyə üz tutmasına səbəb “İcra başçısının 700 minlik borc qalmaqalı; Vilyam Hacıyev «Banditizm»də dindirilib” başlıqlı yazı http://www.mia.az/news/25731.
Bu barədə agentliyə Səbail Rayon Məhkəməsi tərəfindən bildiriş daxil olub. Bildirişə görə, icra başçısının iddia ərizəsi əsasında aprel ayının 24-də Səbail Rayon Məhkəməsində hakim Elnur Həsənovun sədrliyi ilə hazırlıq iclası keçiriləcək. Vilyam Hacıyev agentlikdən rəsmi təkzib və 100 min manat təzminat tələb edir.