MHİ-nin proqram koordinatoru Xalid Ağəliyev isə araşdırmalar başlayan vaxtdan müxtəlif dövlət qurumlarına 350 informasiya sorğusu göndərildiyini, bunlardan 188-nin (53.7%) cavablandırıldığını bildirdi. Bunun “İnformasiya əldə etmək haqqında” qanunun qəbul edilməsindən sonra MHİ-nin apardığı araşdırmalara görə ən yüksək nəticə olduğunu vurğulayan X. Ağəliyev, əvvəlki illərdə 40 %-dən yüksək göstərici olmadığını əlavə edib.
X. Ağəliyev 30 dövlət qurumunun saytlarının da monitorinqinin aparıldığını və burda da kifayət qədər problemlərin olduğunu tədbir iştirakçılarının diqqətinə çatdırıb. O qeyd edib ki, monitorinq edilən saytların heç biri informasiyanın yüksək açıqlığını təmin edə bilməyib.
Tədbirdə çıxış edən Prezident yanında Dövlət Qulluğu Məsələləri üzrə Komissiyanın İnformasiya texnologiyaları və proqram təminatı sektorunun rəhbəri Əli Kərim monitorinqlərin aparılmasının əhəmiyyətli olduğunu və müəyyən olunan çatışmazlıqların aradan qaldırılmasına çalışacaqlarını bildirdi.