Bu gün (17 dekabr) İnsan Hüquqları Evində Sülh və Demokratiya İnstitutunun "Düşüncə fabrikası" layihəsi çərçivəsində qeyri-hökumət təşkilatlarının və kütləvi informasiya vasitələrinin nümayəndələrinin toplantısı keçirilib. Toplantıda söz azadlığı, insan hüquqlarının vəziyyəti və bələdiyyə seçkiləri ilə bağlı müzakirələr aparıldı, təkliflər səsləndirildi.
Sülh və Demokratiya İnstitutunun rəhbəri Leyla Yunus təklif etdi ki, Demokratiya Milli Dəstək Fondu (NED) ilə əməkdaşlıq edən bütün təşkilatlar birlikdə hesabat hazırlasınlar.
"Cənub xəbərləri" qəzetinin baş redaktoru Zahir Əmənov çıxışında regional qəzetlərə olunan təzyiqlərdən danışdı.
"Turan" İnformasiya Agentliyinin rəhbəri Mehman Əliyev mətbuatın hazırkı vəziyyəti ilə bağlı çıxışında bildirdi ki, Azərbaycanda Reklam və Elanlar qurumu yaradılmalı, elanlar qəzetlərin tirajlarına əsasən onlara paylanmalı və bunun nəticəsində ədalətli pul bölümü gerçəkləşməlidir.
Toplantıda çıxış edən Reportyorların Azadlıq və Təhlükəsizlik İnstitutunun sədri Emin Hüseynov dekabrın 21-də bələdiyyə seçkiləri ilə bağlı KİV və QHT nümayəndələrinin iştirakı ilə Dəyirmi Masa keçirməyi təklif etdi.
"Cənub xəbərləri" qəzetinin baş redaktoru Zahir Əmənov çıxışında regional qəzetlərə olunan təzyiqlərdən danışdı.
"Turan" İnformasiya Agentliyinin rəhbəri Mehman Əliyev mətbuatın hazırkı vəziyyəti ilə bağlı çıxışında bildirdi ki, Azərbaycanda Reklam və Elanlar qurumu yaradılmalı, elanlar qəzetlərin tirajlarına əsasən onlara paylanmalı və bunun nəticəsində ədalətli pul bölümü gerçəkləşməlidir.
Toplantıda çıxış edən Reportyorların Azadlıq və Təhlükəsizlik İnstitutunun sədri Emin Hüseynov dekabrın 21-də bələdiyyə seçkiləri ilə bağlı KİV və QHT nümayəndələrinin iştirakı ilə Dəyirmi Masa keçirməyi təklif etdi.
Foto: http://www.irfs.az/component/option,com_datsogallery/Itemid,30/func,viewcategory/catid,393/lang,az/