Toplantıda çıxış edən “Ayna“ – “Zerkalo” qəzetinin və RATİ-nin əməkdaşı İdrak Abbasov bildirib ki onun qardaşlarına qarşı Təcili Tibbi Yardım Mərkəzi(Semoşko) xəstəxana rəhbərliyi tərəfindən mühafizəçilərə verilən rəy əsasında qardaşları Raman Abbasov və Vaqif Abbasova qarşı CM-nin 221.2.1(bir qrup şəxs tərəfindən və ya təkrar xuliqanlıq) maddəsi ilə Nəsimi Polis İdarəsində təhqiqat aparılaraq, bu günlərdə cinayət işinin açılacağı barədə ona məlumat verilib.
İ. Abbasov onu da bildirib ki, ailə üzvlərinə bədən xəsarəti yetirən, onları təhqir edən, ölümlə hədələyən, əmlaklarını məhv edən böyük bir dəstəyə Azərbaycan Respublikasının CM- nin 128 (Qəsdən sağlamlığa yüngül zərər vurma) maddəsi ilə Binəqədi rayon Polis İdarəsi tərəfindən cinayət işi açılması barədə Binəqədi rayon Prokurorluğuna təqdimat verilib.
İ.Abbasov bununla razılaşmadığını və bütün bunları qanunsuz adlandırdığını bildirdi.
Öz növbəsində İ.Abbasovun ailəsinin hüquqlarını müdafiə edən vəkil Elçin Sadıqov bildirib ki, 221.2.1 (ictimai qaydada xuliqanlıq) maddəsində ən yüngül cəza 3 ilədək islah işləri, ən maksimal isə 5 il azadlıqdan məhrum etmə cəzasını nəzərdə tutur. Vəkilin sözlərinə görə bu maddə ilə qaldırılacaq cəza da İ.Abbasovun qardaşlarının həbs qəti-imkan tədbiri seçilməsi təhlükəsi var.
Vəkil İ.Abbasovun qohumlarını döyən, əmlaklarını məhv edən, onları ictimaiyyətin gözü önündə alçaldan şəxslərə qarşı isə ı CM-nin 128 (qəsdən sağlamlığa yüngül zərər vurma) maddəsi ilə yüngül cəza (maksimum 6 ay müddətinə azadlıqdan məhrumetmə) nəzərdə tutan cinayət işi açılıb .Buna görə də vəkil bu cür münasibəti ədalətsiz və qərəzli sayır.
Toplantının digər mövzusu “Gündəlik Bakı ”qəzetini baş redaktoru Habil Vəliyevə qarşı DİN-nin mətbuat xidmətinin əməkdaşı Ehsan Zahidovun hədələnməsi barədə olub.
Habil Vəliyev toplantıda çıxış edərək bildirib ki, baş redaktoru olduğu qəzetin bir gün əvvəlki saytında Zaqatala RPŞ-də anarxiyanın hökm sürməsi barədə yazı dərc olunub. Bununla bağlı DİN-nin mətbuat xidmətinin əməkdaşı qəzetə təkzib göndərərək həmin təkzibin çap olunmasının istəyib.
Habil Vəliyev Ehsan Zahidovun “təkzibi dərc etməsəniz, beyninizi dağıdaram” deyə hədələdiyini qeyd edib.
Baş redaktor bununla bağlı baş prokurorluğa, ölkə prezidentinə və digər güc strukturlarına müraciət edərək təhlükəsizliyinin təmin olunmasını xahiş etdiyini redaktorlar birliyinin üzvlərinin nəzərinə çatdırıb.
Daha sonra da toplantıda əmlakı müsadirə olunan “Xural” qəzetinin baş redaktoru Əvəz Zeynallı danışıb.
Əvəz Zeynallı bir az əvvəl RATİ-də keçirdiyi mətbuat konfransını xatırladaraq bildirib ki, “Xural” qəzetinin əmlakının müsadirə olunmasının və digər qəzetə qarşı edilmiş təzyiqlərə səbəb Mətbuat Şurası olduğunu qeyd edib.
Əvəz Zeynallı redaksiyanın əmlakının müsadirəsinin siyasi sifarişli olduğunu və məhkəmə icraçıları icra vərəqəsi olmadan icranı başlamasının qeyri-qanuni olduğunu vurğulayıb.
Əvəz Zeynallı PA-rəhbəri Ramiz Mehdiyevin iddiası ilə “Xural” qəzetinə 10 min manat dəyərində cərimə edildiyini bildirib. Buna görə Ə. Zeynallı həmçinin təkzibin və kəsilən cərimənin ödənilməsinə belə imkan yaradılmadığını da vurğulayıb.
Bütün aparılan müzakirələrdən və çıxışlardan sonra məsələ ilə bağlı 3 qərar qəbul edib.
Redaktorlar Birliyinin üzvü “Azadlıq “qəzetinin baş redaktoru Qənimət Zahid bildirib ki, jurnalist İ. Abbasovun ailə üzvlərinə edilmiş təzyiqlərlə bağlı narahat olduqları üçün DİN naziri Ramil Usubovla görüş keçirilməsi, Xural Qəzetinin fəaliyyətinə edilən maneələrlə bağlı bəyanat qəbul etdiklərini və nəhayət “Gündəlik Bakı “qəzetinin baş redaktoru Habil Vəliyevin məsələsinin araşdırılacağı barədə qərar qəbul ediblər. Sonda İ.Abbasovun məsələsi ilə bağlı məsələni müzakirə etmək üçün Redaktorlar Birliyi adından rəsmi qaydada Daxili İşlər Naziri Ramil Usubova müraciət edilib.