Bu gün (27 iyul) Nərimanov rayon məhkəməsində hakim Turqay Hüseynov vətəndaş Havanisə Abdullayevanın “Millətim” qəzetinin baş redaktoru Fərəməz Novruzoğluna (Allahverdiyev) qarşı iddiasına əsasən son məhkəmə iclası keçirilib. Bu barədə Reportyorların Azadlıq və Təhlükəsizlik İnstitutuna (RATİ) F.Novruzoğlunun sözlərinə görə, hakim onun 500 AZN cərimə olunması barədə qərar çıxarıb.
“Mən H.Abdullayevanı tanımıram, onun haqqında da heç nə yazmamışam. Ancaq o, iddia edir ki, 2 ay öncə yazdığım “Rauf Arifoğlu niyə qan ağlayır” yazısında onun haqqında yazmışam. Bu iddia və qərar Milli Təhlükəsizlik Nazirliyinin Antiterror mərkəzinin sifarişidir” – deyən baş redaktor vurğuladı ki, qərardan Apellyasiya şikayəti verəcək.
Xatırladaq ki, iyulun 22-də Nizami rayon Məhkəməsində “Azadlıq Hərəkatçıları Birliyi”nin (AHB) sədri Təhmasib Novruzovun xüsusi ittiham qaydasında idiiasına əsasən “Nota qəzetindəki yazılara görə baş redaktor əvəzi Sərdar Əlibəyli ilə yanaşı Fərəməz Novruzoğlunun da 3 ay azadlıqdan məhrum olunması ilə bağlı hökm çıxarıb.