Milli Məclisin sədr müavini Bahar Muradova “Monitor” jurnalının baş redaktoru Elmar Hüseynovun qətlinə münasibət bildirib. O qeyd edib ki, bu qətlin açılması ilə bağlı hüquq-mühafizə orqanları üzərlərinə düşən vəzifəni yerinə yetirməkdədir. “İstərdim ki, aparılan istintaq işi səmərəli nəticəsini versin və cinayəti törədənlər həbs edilsin” – deyə B.Muradova “Turan”ın sualının cavabında bildirib.
Xatırladaq ki, “Monitor” jurnalının baş redaktoru Elmar Hüseynov 2005-ci ilin mart ayının 2-də axşam saat 20 radələrində yaşadığı mənzilin qarşısında odlu silahla (7 güllə) qətlə yetirilmişdir. Ölüm faktı ilə bağlı cinayət işi açılsa da, hələ də cinayətin üstü açılmamış, qətlin sifarişçiləri və icraçıları tapılmamışdır.