Ədliyyə Nazirliyi Televiziya və Alternativ Media İnkişaf Mərkəzi (TAMİM) İctimai Birliyini dövlət qeydiyyatına almaqdan beşinci dəfədir ki imtina edir.
Bu barədə bu gün (14 dekabr) Reportyorların Azadlıq və Təhlükəsizlik İnstitutuna (RATİ) məlumat verən Birliyin sədri Rəsul Cəfərov qeydiyyata alınması üçün göndərilən sənədlərin dünən icra olunmadan geri qaytarıldığını vurğulayıb. Onun sözlərinə görə, bu artıq beşinci imtinadır və hər dəfə imtina üçün müxtəlif əsassız nöqsanlar göstərilir, halbuki qanunvericiliyə görə bütün nöqsanlar bir yerdə göstərilməlidir.
TAMİM sədri birləşmək hüququnun pozulması ilə bağlı artıq iddia ərizəsinin hazırlandığını və həftə sonuna kimi Yasamal Rayon Məhkəməsinə təqdim ediləcəyini də əlavə edib.