Vergilər Nazirliyi “Gündəm Xəbər”dən 133500 manat istəyir

fevral 6th, 2013

1343037316_shirin-ceferi

Fevralın 5-də Bakı 1 saylı İnzibati iqtisadi Məhkəməsində hakim Elçin Məmmədovun sədrliyi ilə “Gündəm Xəbər” qəzetinin Vergilər Nazirliyi yanında Audit Departamentinə qarşı iddiasına əsasən proses keçirilib. Bu barədə Reportyorların Azadlıq və Təhlükəsizlik İnstitutuna (RATİ) qəzetin baş redaktoru Şirin Cəfəri məlumat verib. O, iş üçün zəruri olan bütün sənədlərin məhkəməyə təqdim edildiyini və növbəti prosesin 8 fevral saat 16:00-da keçiriləcəyini deyib.

Xatırladaq ki, Vergilər Nazirliyi yanında Audit Departamenti 2011-ci ilin avqust ayında “Gündəm Xəbər” qəzetində yoxlama apararaq qəzetə 68244 manat vergi borcu yazıb. Hazırda isə faizlərlə birlikdə həmin borcun məbləği 133500 manata çatıb. Qəzet bu borcun qanunsuz hesab edilməsi iddiası ilə məhkəməyə müraciət edib.