RADİOLARIN MONİTORİNQİ APARILACAQ

aprel 1st, 2009
Azərbaycan Respublikasının ərazisində fəaliyyət göstərən radioların monitorinqini aparmaq üçün lazımi avadanlıqlar alınıb və hal-hazırda onların quraşdırma işləri aparılır.

Bu barədə bu gün (1 aprel)Reportyorların Azadlıq və Təhlükəsizlik İnstitutuna (RATİ) Milli Televiziya və Radio Şurasının (MTRŞ) monitorinq şöbəsinin müdiri Təvəkkül Dadaşov məlumat verib. Onun sözlərinə görə radiolarda monitorinq “Televiziya və radio yayımı haqqında” qanunun icrasını yoxlamaq məqsədilə aparılacaq.
T. Dadaşov həmçinin bildirib ki, avadanlıqlar quraşdırıldıqdan sonra aparılacaq monitorinq zamanı radiolarda qanun pozuntusu aşkarlanarsa qanunun tələblərinə uyğun olaraq müvafiq tədbirlər görüləcək.