“Azad İqtisadiyyata Yardım” Mərkəzinin rəhbəri Zöhrab İsmayıl (İsmayılov) informasiya sorğusunu cavablandırdığına görə Dövlət Statistika Komitəsinə qarşı qaldırdığı iddia ərizəsini geri götürüb.
Bu barədə Reportyorların Azadlıq və Təhlükəsizlik İnstitutuna(RATİ) “Media Hüquqları İnstitutu”nun vəkili, idiaçının səlahiyyətli nümayəndəsi Fariz Namazlı verib: “Dövlət Statistika Komitəsi informasiya sorğusunu cavablandırdığına görə bu gün (1 aprel) Yasamal rayon məhkəməsindən iddianı geri götürdük və hakim Tahir İsmayılov işə xitam verdi.”
Xatırladaq ki, “Azad İqtisadiyyata Yardım” Mərkəzinin rəhbəri Zöhrab İsmayıl (İsmayılov) informasiya sorğusunu cavablandırmadığına görə, Yasamal rayon məhkəməsində Dövlət Statistika Komitəsinə qarşı iddia qaldırmışdı.