Bu gün (9 fevral) Səbail rayon məhkəməsində hakim Elnur Həsənovun sədrliyi ilə “Müxalifət" qəzetinin baş redaktoru Rövşən Kəbirli və qəzetin şöbə müdiri Yaşar Ağazadənin Ədliyyə Nazirliyinə, Ədliyyə Nazirliyinin Penitensiar Xidmətinə və Ədliyyə Nazirliyinin Penitensiar xidmətinin 1 saylı istintaq təcridxanasına qarşı “saxlanma şəraitinin qanunsuz hesab olunmasına dair” mülki iş üzrə hazırlıq iclası keçirilib.
Bu barədə RATİ-yə Yaşar Ağazadə məlumat verdi:
”2007-ci ildə Cəlal Əliyevin iddiası əsasında təxminən 5 ay müddətinə həbs olunanda, R.Kəbirlini və məni Ədliyyə Nazirliyinin Penitensiar xidmətinin 1 saylı istintaq təcridxanasında əlverişsiz şəraitdə, təlimatlara uyğun olmayan və ləyaqəti alçaldan formada saxlayıblar. İddia ərizəmizin məğzi də 1 saylı istintaq təcridxanasındakı kameraların quruluşu, kamerada yataq yerlərində artıq dustaqlarının saxlanılması, keyfiyyətsiz qida rasionu ilə bağlı iddiadan ibarətdir.
”2007-ci ildə Cəlal Əliyevin iddiası əsasında təxminən 5 ay müddətinə həbs olunanda, R.Kəbirlini və məni Ədliyyə Nazirliyinin Penitensiar xidmətinin 1 saylı istintaq təcridxanasında əlverişsiz şəraitdə, təlimatlara uyğun olmayan və ləyaqəti alçaldan formada saxlayıblar. İddia ərizəmizin məğzi də 1 saylı istintaq təcridxanasındakı kameraların quruluşu, kamerada yataq yerlərində artıq dustaqlarının saxlanılması, keyfiyyətsiz qida rasionu ilə bağlı iddiadan ibarətdir.
Proses zamanı iddia ərizəsində göstərdiyimiz 5 vəsatətin 4-ü təmin olundu, biri isə açıq saxlanıldı. Təmin olunan vəsatətlərlə bağlı hakim Elnur Həsənov cavabdeh tərəfin üzərinə öhdəlik qoydu ki, növbəti prosesdə saxlandığımız kameranın sxemi, ölçüsü, quruluşu və gündəlik qida rasionu ilə bağlı sənədləri məhkəməyə təqdim etsinlər” – deyən Y.Ağazadə qeyd etdi ki, prosesdə Penitensiar Xidmətinin və 1 saylı istintaq təcridxanasından nümayəndəsi iştirak etsə də, Ədliyyə Nazirliyinin özündən nümayəndə olmayıb.
Növbəti proses 16 fevral saat 15:30-a təyin edildi.