SƏDƏRƏKDƏ TƏZYİQƏ MƏRUZ QALMIŞ JURNALİSTLƏRİN ŞİKAYƏTİNƏ CAVAB VERİLMİR

20 gündən artıq vaxt keçməsinə baxmayaraq, RATİ-nin Naxçıvan üzrə bölgə müxbirləri Həkimeldostu Mehdiyev və Elman Abbasov, “Turan” İnformasiya Agentliyinin və “Azadlıq” radiosunun müxbiri Məlahət Nəsibova 16 yanvar 2009-ci il tarixdə Sədərək rayonunun Heydərabad qəsəbəsində təzyiqə məruz qalmaları faktı ilə bağlı Azərbaycan Respublikasının Baş Prokuroruna, Naxçıvan Muxtar Respublikası Prokuroruna və Sədərək rayon prokuroruna etdikləri şikayət ərizəsinə hələ də cavab verilməyib.

Məlumatı RATİ-nin Naxçıvan bölgə müxbirinə təzyiqə məruz qalmış jurnalistlər bildirib.
Xatırladaq ki, 16 yanvar 2009-ci il tarixdə jurnalistlər Sədərəkdə rayon Heydərabad qəsəbəsində baş vermiş hadisələri araşdıran zaman bir qrup şəxs onlara peşə fəaliyyətlərini yerinə yetirməyə mane olmuş, RATİ-nin Naxçıvan üzrə bölgə müxbiri Həkimeldostu Mehdiyevə fiziki güc tətbiq edilmiş və müxbirlər geri qayıtmağa məcbur olmuşdular.
Previous Post

“MÜXALİFƏT”ÇİLƏR ÜÇ QURUMU MƏHKƏMƏYƏ VERİB

Next Post

JURNALİSTLƏRƏ DEVİD PLAFFIN MƏRUZƏSİNDƏ İŞTİRAK ETMƏYƏ MƏHDUDİYYƏT QOYULDU

Leave a Reply

Your email address will not be published.

Start typing to see posts you are looking for.