Maliyyə problemlərinə görə 8 ay bundan öncə nəşrini dayandırmış “Müxalifət” qəzeti artıq fəaliyyətini bərpa edib.
Bu haqda RATİ-yə “Müxalifət”qəzetinin baş redaktoru Rövşən Kəbirli məlumat verib: ”Sentyabr ayının 6-dan başlayaraq “Müxalifət” qəzeti hər həftənin şənbə günü satışda olacaq”.
Baş redaktorun sözlərinə görə, qəzetin maliyyə problemləri hələ də qalmaqdadır: “Buna baxmayaraq qəzetimiz məhdud maliyyə resursları ilə nəşrini davam edəcək. “Müxalifət” qəzeti yenə də beynəlxalq aləmdə və ölkə daxilində baş verən ictimai-siyasi prosesləri oxuculara çatdıracaq”.