Ötən həftənin şənbə günü (26 iyul) qohumu Cavidan Hüseynov həbsdə olan jurnalist, “Bizim yol” qəzetinin əməkdaşı Müşfiq Hüseynovla görüşüb.
Bu haqda RATİ-yə məlumat verən C. Hüseynovun sözlərinə görə, jurnalistin ürəyində ağrılar var və buna görə də müalicəsi hələ davam edir.
“Müşfiq həbsxana rəisinin icazəsi ilə bir qrup məhbusa ingilis dili öyrədir. Saxlanma şəraitindən və ona olan münasibətdən heç bir narazılığı yoxdur”, – deyə Hüseynov əlavə edib.
Xatırladaq ki, Müşfiq Hüseynov Cinayət Məcəlləsinin 311.1-ci maddəsi (rüşvət alma) ilə ittiham edilərək Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixində çıxardığı qərar ilə 6 il müddətinə azadlıqdan və 2 il müddətinə jurnalist fəaliyyəti ilə məşğul olmaq hüququndan məhrum edilib. Bakı Apellyasiya Məhkəməsinin hakimi Sahibxan Mirzəyevin 04 aprel 2008-ci ildə çıxardığı qərara əsasən jurnalistin həbs müddəti bir il azaldılaraq, beş ilə endirilib. Sabah (29 iyul) Ali Məhkəmədə jurnalist barədə çıxarılmış qərardan verilən kassasiya şikayətinə baxılacaq.
“Müşfiq həbsxana rəisinin icazəsi ilə bir qrup məhbusa ingilis dili öyrədir. Saxlanma şəraitindən və ona olan münasibətdən heç bir narazılığı yoxdur”, – deyə Hüseynov əlavə edib.
Xatırladaq ki, Müşfiq Hüseynov Cinayət Məcəlləsinin 311.1-ci maddəsi (rüşvət alma) ilə ittiham edilərək Ağır Cinayətlərə Dair İşlər Üzrə Məhkəmənin hakimi Camal Ramazanovun 21 yanvar 2008-ci il tarixində çıxardığı qərar ilə 6 il müddətinə azadlıqdan və 2 il müddətinə jurnalist fəaliyyəti ilə məşğul olmaq hüququndan məhrum edilib. Bakı Apellyasiya Məhkəməsinin hakimi Sahibxan Mirzəyevin 04 aprel 2008-ci ildə çıxardığı qərara əsasən jurnalistin həbs müddəti bir il azaldılaraq, beş ilə endirilib. Sabah (29 iyul) Ali Məhkəmədə jurnalist barədə çıxarılmış qərardan verilən kassasiya şikayətinə baxılacaq.