ATASI MÜŞFİQ HÜSEYNOVLA GÖRÜŞÜB

sentyabr 7th, 2009
Dünən (6 sentyabr) Tofiq Hüseynov  2 saylı cəzaçəkmə müəssisəsində cəza çəkən oğlu, “Bizim Yol” qəzetinin əməkdaşı  Müşfiq Hüseynovla görüşüb.

Bu barədə Reportyorların Azadlıq və Təhlükəsizlik İnstitutuna (RATİ) jurnalistin qardaşı oğlu  Cavidan Hüseynov məlumat verib. Onun sözlərinə görə, M.Hüseynov saxlanma şəraitindən narazılıq etməyib və səhhəti ilə əlaqədar cəzaçəkmə müəssisəsinin tibb məntəqəsində müalicəsini davam etdirdiyini bildirib.
Xatırladaq ki, M.Hüseynov 2007-ci il, iyulun 24-də həbs olunub. Ona qarşı CM-nin 311-ci maddəsi (rüşvət alma ) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya Məhkəməsi isə M.Hüseynovun cəzasını 1 il azaldıb.