Yaxın qohumları “Bizim Yol” qəzetinin əməkdaşı, 2 saylı cəzaçəkmə müəssisəsində cəza çəkən Müşfiq Hüseynova baş çəkiblər.
Bu barədə Reportyorların Azadlıq və Təhlükəsizlik İnstitutuna (RATİ) jurnalistin yaxın qohumu Cavidan Hüseynov məlumat verib. Onun dediyinə görə, şənbə günü (27 iyun ) görüşdə M.Hüseynov ona səhhətinin pisləşdiyini bildirib: “Müşfiq Hüseynov saxlanma şəraitindən narazı deyil. Narahatlığı ancaq səhhəti barədədir. O, bir müddət əvvəl cəzaçəkmə müəssiəsindəki tibbi şəraitdən narazı olduğuna görə müalicəsini davam etməkdən imtina etsə də, iyul ayının 1-dən 2 saylı cəzaçəkmə müəssisəsində yenidən müalicəsinə başlayacaq.”
Xatırladaq ki, M.Hüseynov 2007-ci il iyulun 24-də həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya məhkəməsi isə M.Hüseynovun cəzasını 1 il azaldıb.
Xatırladaq ki, M.Hüseynov 2007-ci il iyulun 24-də həbs olunub. Ona qarşı CM-nin 311-ci maddəsi (rüşvət alma) ilə ittiham irəli sürülüb və 2008-ci ilin yanvar ayında o 6 il müddətinə azadlıqdan məhrum olunub. Bakı Apellasiya məhkəməsi isə M.Hüseynovun cəzasını 1 il azaldıb.