“Azadlıq” qəzetinin həbsdə olan baş redaktoru Qənimət Zahidova qarşı yeni iddia irəli sürülə bilər.
Bu xəbəri RATİ-yə baş redaktorun vəkili Elçin Sadıqov verib. Zahidovla bu gün görüşdüyünü deyən E.Sadıqov bildirib ki, Q.Zahidova qarşı provakasiya hazırlanır: “Provakasiya nəticəsində Zahidova yeni ittihamın irəli sürülə bilər”. Q.Zahid ona qarşı provokasiya hazırlayan konkret şəxslərin adlarını vəkilə bildirsə də, hələlik fakt araşdırıldığından mətbuata açıqlanmır. E.Sadıqov onu da əlavə edib ki, bu məsələ ilə əlaqədar 1 saylı Bayıl İstintaq Təcridxanasının rəhbərliyinə müraciət edilib: “Müəyyən tədbirlər görülməsə, hüquq-mühafizə orqanlarına müraciət edəcəyik”.