OBYEKTİV TV-NİN XANIM ƏMƏKDAŞI SAXLANILDI

aprel 18th, 2012
“Obyektiv” TV-nin əməkdaşı, televiziyanın “Xalq nə deyir” proqramının müəllifi və aparıcısı Vəfa Nağıyeva bu gun Prezident Aparatının qarşısında  “Gen” MMC və Fuad LTD   tikinti şirkətlərinin aldatdığı  müştərilərin keçirdiyi növbəti aksiya zamanı polis tərəfindən saxlanılıb.

Özünü təqdim etməyən polis zabiti jurnalisti ağır ifadələrlə təhiqr edib və ona işgəncə verilməsini tabeçiliyində olan şəxslərə əmr edib.

“Sən son vaxtlar yaman qudurmusam. Gedin bunu çırpın, qoy ağlı başına gəlsin!”, – deyə qeyd edən polis zabiti Vəfa Nağıyevanin 5 sutka müddətinə həbs edilməsini də əmr edib.

Habelə saxlanma zamanı xanım əməkdaşın çəkdiyi video-foto çəkiliş  silinib. Daha sonra jurnalist 9-cu polis bölməsinə aparılıb. Polis bölməsində  kiçik araşdırmadan sonra isə Vəfa Nağıyeva sərbəst buraxılıb.

Xatırladaq ki, Prezident Aparatının qarşısında mütəmadi olaraq jurnalistlər təzyiqlərə məruz qalır. Dəfələrlə Obyektiv TV-nin digər əməkdaşları da saxlanılaraq apardıqları çəkilişlər silinib.