“Mediaforum.az” xəbər saytı hələ də fəaliyyətini bərpa etməyib.
Saytın rəhbəri Azər Qaraçənlinin bu gün (12 fevral) Reportyorların Azadlığı və Təhlükəsizliyi İnstitutuna (RATİ) bildirdiyinə görə, redaksiysının yerləşdiyi binada fevral ayının 9-u baş vermiş yanğın hadisəsi nəticəsində fəaliyyətini dayandıran sayt üzümüzə gələn həftə öz işini bərpa edə bilər. A.Qaraçənli əlavə edib ki, yanğın nəticəsində redaksiyanın avadanlıqlarına ziyan dəyməsə də, divarlardan keçən elektrik xətləri sıradan çıxıb: ”Hal-hazırda binada təmir işləri gedir, çox güman ki gələn həftə ərzində sayt öz işini bərpa edəcək”
Xatırladaq ki, fevral ayının 9-da “Mediaforum.az” saytının yerləşdiyi Həsən bəy Zərdabi prospekti 71 A ünvanında yanğın hadisəsi baş vermişdir.