Sentyabrın 11-dən polis tərəfindən Ruhi Xəstəliklər Dispanserinə yerləşdirilən Naxçıvan şəhər sakini, 55 yaşlı kiçik sahibkar Məhəmməd Qurbanova ailə üzvləri ilə görüş verilmir. Bu məlumatı Reportyorların Azadlıq və Təhlükəsizlik İnstitutuna (RATI) Naxçıvandakı bölgə müxbirinə sahibkarın həyat yoldaşı Fəridə İsmayılova verib.
Onun sözlərinə görə, həyat yoldaşı üçün apardıqları ərzağı və siqareti qəbul etsələr də, onunla görüşməyə icazə verilmir: “Həyat yoldaşıma psixoloji və mənəvi təzyiq edirlər. Onu şərləyərək 5-6 il müddətə həbs etdirmək istəyirlər. Əldə etdiyimiz məlumata görə, artıq onun əleyhinə Sədərək keçid məntəqəsində 9 nəfərdən izahat alınıb” – deyə F. İsmayılova bildirib.
Bu gün (15 sentyabr) məsələ ilə bağlı növbəti dəfə RATİ-nin bölgə müxbirləri Naxçıvan şəhər Ruhi Xəstəliklər Dispanserində olublar. Jurnalistlər baş həkimlə görüşmək istəsələr də, dispanserin növbətçi polisi buna imkan verməyib. “ Baş həkim məzuniyyətdədir. Sizinlə görüşmək istəmir. Burada sizə heç kim cavab verməyəcək. Yaxşı olar ki, buradan çıxıb gedəsiniz ”, – deyə növbətçi polis nəfəri deyib.
Xatırladaq ki, Naxçıvan şəhər sakini, kiçik sahibkar, 55 yaşlı 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etdiyinə görə 11 sentyabr 2009-cu il tarixdə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Ruhi Xəstəliklər Dispanserinə yatırılıb.
Bu gün (15 sentyabr) məsələ ilə bağlı növbəti dəfə RATİ-nin bölgə müxbirləri Naxçıvan şəhər Ruhi Xəstəliklər Dispanserində olublar. Jurnalistlər baş həkimlə görüşmək istəsələr də, dispanserin növbətçi polisi buna imkan verməyib. “ Baş həkim məzuniyyətdədir. Sizinlə görüşmək istəmir. Burada sizə heç kim cavab verməyəcək. Yaxşı olar ki, buradan çıxıb gedəsiniz ”, – deyə növbətçi polis nəfəri deyib.
Xatırladaq ki, Naxçıvan şəhər sakini, kiçik sahibkar, 55 yaşlı 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etdiyinə görə 11 sentyabr 2009-cu il tarixdə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Ruhi Xəstəliklər Dispanserinə yatırılıb.