AŞPA MONİTORİNQ KOMİTƏSİNİN HƏMMƏRUZƏÇİLƏRİ BAKIYA GƏLƏCƏK

yanvar 29th, 2010
AŞPA Monitorinq Komitəsinin həmməruzəçiləri Andres Herkel və Cozef Qrex Azərbaycanın Avropa Şurası qarşısında öhdəliklərini yerinə yetirməsi barədə növbəti hesabat hazırlamaq üçün fevralın 7-12-də ölkəyə səfər edəcəklər.

“Turan”a müsahibəsində Herkel deyib ki, səfər zamanı həbs edilmiş bloggerlərin və jurnalistlərin məsələsinə, ümumilikdə söz və mətbuat azadlığı sahəsində vəziyyətə, parlament seçkilərinə hazırlıq məsələlərinə xüsusi diqqət yetiriləcək.
“Bloggerlər Emin Milli və Adnan Hacızadənin azadlıqdan məhrum edilməsi, habelə həbsdə olan jurnalist Eynulla Fətullayevə qarşı yeni ittiham jurnalistlərin cinayət təqibi probleminin qaldığına dəlalət edir” – deyə Herkel bildirib.