“Biz Azərbaycanın siyasi rəhbərliyinə açıq şəkildə bəyan etdik ki, jurnalistlər şübhəli əsaslarla həbsxanada saxlanıldıqda bu ölkənin nüfuzuna daha çox zərbə vurur, nəinki onlar öz fikirlərini sərbəst şəkildə KİV-də ifadə edirlər”, – deyə Herkel əlavə etdi.
Çıxışı zamanı Herkel eyni zamanda “Azadlıq” qəzetinin əməkdaşlarının həbslərə və təzyiqlərə məruz qaldığından, eyni zamanda Eynulla Fətullayevin həbsindən sonra onun rəhbərlik etdiyi qəzetlərin bağlanmasından narahat olduqlarını vurğuladı.
Jurnalistin prezidentlə görüş zamanı jurnalistlərin məsələsinin müzakirə olunub-olunmaması ilə bağlı sualı Herkel belə cavablandırıb: “Bəli, biz prezidentlə görüşümüz zamanı jurnalistlərlə bağlı məsələni müzakirə etdik, lakin bu müzakirənin təfərrüatlarını açıqlamaq istəməzdim”.
Herkelin sözlərinə görə, İlham Əliyev görüş zamanı Ermənistanda baş verən hadisələrdən sonra Avropa Şurasının Azərbaycanda nüfuzunun xeyli aşağı düşdüyünü qeyd edib. “Amma mən bu fikirlə razı deyiləm ki, Avropa Şurasının digər bir dövlətindəki vəziyyəti bəhanə gətirərək demokratiya standartlarını, o cümlədən söz və media azadlığı sahəsindəki standartları aşağı salmaq olar”, – deyə Herkel əlavə edib.
Qeyd edək ki, həmməruzəçilər dünəndən (18 may) etibarən Azərbaycanda QHT-lərin, media təşkilatlarının nümayəndələri və dövlət rəsmiləri ilə görüşlər keçiriblər. Səfərin yekunlarına dair hesabat hazırlanacaq.