Bu gün (19 may) Nəsimi Rayon Məhkəməsinin hakimi Şahin Abdullayevin sədrliyi ilə "Azadlıq" qəzetinin əməkdaşı Aqil Xəlilin vəkili Elçin Sadıqovun Baş Prokurorluğun İstintaq İdarəsinin baş müstəntiqi Əli Quliyevə qarşı qaldırdığı iddia üzrə keçirilməli olan məhkəmə prosesi təxirə salınıb.
Məhkəmənin təxirə salınmasına səbəb müstəntiqin iş materiallarını məhkəməyə təqdim etməməsi olub. Növbəti məhkəmə prosesi 27 may saat 16.30-a təyin edilib.
Xatırladaq ki, Elçin Sadıqov müdafiə etdiyi "Azadlıq" qəzetinin əməkdaşı Aqil Xəlillə birlikdə İstintaq İdarəsində 12 saatdan artıq saxlanılmasına və mənəvi təzyiqlərlə üzləşdiyinə görə baş müstəntiq Əli Quliyevə qarşı iddia qaldırmışdı.