2007-ci ilin sonunda əfv fərmanı ilə azadlığa çıxan "Sənət qəzeti" -nin əməkdaşı Rafiq Tağı Bakı Şəhər Təcili və Təxirəsalınmaz Tibbi Yardım Stansiyasında həkim kimi işə qəbul olub.
Bu barədə “Mediaforum” saytına verdiyi açıqlamasında R. Tağı bildirib ki, “yanvarın 8-də Səhiyyə Nazirliyinə müraciət etmişdim. Müraciətimi müsbət qiymətləndiriblər. Bir ay 9-cu stansiyada işləyəcəyəm, daha sonra başqa stansiyaya keçəcəyəm”. Xatırladaq ki, R. Tağı 11 il Moskvada tibb sahəsində işlədikdən sonra 1990-cı ildən 17 il ərzində Bakıda Təcili və Təxirəsalınmaz Tibb Yardım Stansiyasında işləyib. Lakin həbs edildiyindən işdən azad olunub.