Bu gün Bakı Ağır Cinayətlər Məhkəməsində İnamla hüquq” MMC-nin direktoru, hüquq müdafiəçisi Bəxtiyar Məmmədovla bağlı məhkəmədə Qazax rayonundan olan zərərçəkmişlər Elçin Xanbutayev, Vaqif Kalayev və Yaşar Namazov ifadə verib.
Hakim Mahmud Ağalarovun sədrliyi ilə keçirilən prosesdə onlara dəymiş zərərin ödənildiyini və Bəxtiyar Məmmədovdan şikayətçi olmadıqlarını bildiriblər.
Xatırladaq ki, Dövlət Bayrağı Meydanının yaxınlığında evləri sökülən hərbçiləri müdafiə etdiyinə görə təzyiqlərlə üzləşən Bəxtiyar Məmmədov ötən il dekabrın 30-da həbs edilib. Onun barəsində Cinayət Məcəlləsinin 182.3.2-ci (külli miqdarda əmlak əldə etmək məqsədi ilə hədə-qorxu ilə tələb etmə) maddəsi ilə cinayət işi başlanıb. Səbayel Rayon Məhkəməsi Bəxtiyar Məmmədov barəsində 3 ay həbs qəti-imkan tədbiri seçmişdi.