İyunun 15-dən 16-na keçən gecə paytaxtın Yasamal rayonundakı Vidadi küçəsində dörd şəxsin hücumuna məruz qalıb döyülən Böyük Britaniya vətəndaşı, hüquq müdafiəçisi Reportyorların Azadlıq və Təhlükəsizlik İnstitutunun əməkdaşı Silya Devis və ABŞ vətəndaşı, jurnalist Amanda Eriksonun döyülməsi faktı ilə bağlı sonuncu şəxs də həbs edilib.
“APA”nın yaydığı məlumata görə, Bakı şəhər Baş Polis İdarəsi (BŞBPİ) saxlanılan sonuncu şəxsin Naxçıvan Muxtar Respublikasının Babək rayon sakini Nazim Hüseynov olduğunu bildirib.
Məlumatda qeyd edilir ki, DİN-in Baş Cinayət Axtarış İdarəsi, Bakı Şəhər Baş Polis İdarəsi və Yasamal Rayon Polis İdarəsi əməkdaşlarının həyata keçirdikləri əməliyyat-axtarış və istintaq tədbirləri nəticəsində jurnalistlərə qarşı fiziki zorakılıq göstərmiş şəxslərdən üçü – Bakının Ramana qəsəbəsinin sakini, 1993-cü il təvəllüdlü Adil Hüseyn oğlu Tağızadə, Nəsimi rayon sakini, 1983-cü il təvəllüdlü Roman Musa oğlu Həsənov, Xırdalan şəhər sakini, 1986-cı il təvəllüdlü Vüsal Qurbanov da tutulublar.
Cinayət işi Yasamal Rayon Polis İdarəsinin istintaq şöbəsində Cinayət Məcəlləsinin 221.2.1-ci (bir qrup şəxs tərəfindən törədilən xuliqanlıq) maddəsi ilə araşdırılır. Bir qrup şəxs tərəfindən törədilən xuliqanlıq iki ilədək müddətə islah işləri və ya beş ilədək müddətə azadlıqdan məhrumetmə ilə cəzalandırılır.
Xatırladaq ki, iyunun 15-dən 16-na keçən gecə Bakının Yasamal rayonu ərazisində ABŞ vətəndaşı Amanda Erikson və Böyük Britaniya vətəndaşı Silviya Devis naməlum şəxslərin hücumuna məruz qalıb. Belə ki, hadisə axşam saat 00.15-20 radələrində Milli Dram Teatrının yaxınlığında baş verib. İdmançı bədən quruluşuna malik 4 nəfər kişi xanımların üzərinə hücum çəkib və heç bir izahat vermədən onları döyməyə başlayıblar. Hadisədən əvvəl xanımlar bu şəxslərin onları izlədiyini bildirmişdilər. Nəticədə xanımlar ciddi zədələr alıblar. RATİ əməkdaşı Silya Devisin sol qolu da sınıb. Amanda Erikson və Devis yerli QHT-lərlə (RATİ) əməkdaşlıq etməklə bərabər jurnalistlər və vətəndaş cəmiyyəti fəalları üçün treninqlər keçirirdilər. Amanda Erikson həmçinin “Vaşinqton post” və “Nyu-York tayms” qəzetləri ilə də əməkdaşlıq edir.
Məlumatda qeyd edilir ki, DİN-in Baş Cinayət Axtarış İdarəsi, Bakı Şəhər Baş Polis İdarəsi və Yasamal Rayon Polis İdarəsi əməkdaşlarının həyata keçirdikləri əməliyyat-axtarış və istintaq tədbirləri nəticəsində jurnalistlərə qarşı fiziki zorakılıq göstərmiş şəxslərdən üçü – Bakının Ramana qəsəbəsinin sakini, 1993-cü il təvəllüdlü Adil Hüseyn oğlu Tağızadə, Nəsimi rayon sakini, 1983-cü il təvəllüdlü Roman Musa oğlu Həsənov, Xırdalan şəhər sakini, 1986-cı il təvəllüdlü Vüsal Qurbanov da tutulublar.
Cinayət işi Yasamal Rayon Polis İdarəsinin istintaq şöbəsində Cinayət Məcəlləsinin 221.2.1-ci (bir qrup şəxs tərəfindən törədilən xuliqanlıq) maddəsi ilə araşdırılır. Bir qrup şəxs tərəfindən törədilən xuliqanlıq iki ilədək müddətə islah işləri və ya beş ilədək müddətə azadlıqdan məhrumetmə ilə cəzalandırılır.
Xatırladaq ki, iyunun 15-dən 16-na keçən gecə Bakının Yasamal rayonu ərazisində ABŞ vətəndaşı Amanda Erikson və Böyük Britaniya vətəndaşı Silviya Devis naməlum şəxslərin hücumuna məruz qalıb. Belə ki, hadisə axşam saat 00.15-20 radələrində Milli Dram Teatrının yaxınlığında baş verib. İdmançı bədən quruluşuna malik 4 nəfər kişi xanımların üzərinə hücum çəkib və heç bir izahat vermədən onları döyməyə başlayıblar. Hadisədən əvvəl xanımlar bu şəxslərin onları izlədiyini bildirmişdilər. Nəticədə xanımlar ciddi zədələr alıblar. RATİ əməkdaşı Silya Devisin sol qolu da sınıb. Amanda Erikson və Devis yerli QHT-lərlə (RATİ) əməkdaşlıq etməklə bərabər jurnalistlər və vətəndaş cəmiyyəti fəalları üçün treninqlər keçirirdilər. Amanda Erikson həmçinin “Vaşinqton post” və “Nyu-York tayms” qəzetləri ilə də əməkdaşlıq edir.