“Səs” qəzetinin bu günkü (19 dekabr) sayında Daxili İşlər Nazirliyinin Mətbuat Xidmətinini nümayəndəsi Ehsan Zahidovun polis-jurnalist münasibətləri haqqında fikirləri yer alıb.
O bildirib ki, polisin jurnalistləri döyməsi haqqında söylənənlər həqiqətə uyğun deyil. “Belə hallar olmayıb. Olubsa da, hər hansı bir razılaşdırılmamış aksiya zamanı polis ola bilsin hansısa jurnalisti itələyib.”
Yazıda məqalə müəllifinin əlavələri də öz əksini tapıb: “Əgər hansısa jurnalist adından sui-istifadə edərək qanunsuz əməllər törədirsə, rekertçiliklə məşğul olursa və ya qanunla məhdudlaşdırılmış şəkildə piket, mitinq keçirməyə çalışırsa onda polisin də öz vəzifə səlahiyyətlərindən tam istifadə etmək hüququ var.