“Yüksəliş naminə” qəzetinin müxbiri Elçin Həsənov Səbail rayon 39-cu Polis bölməsinin əməkdaşları tərəfindən fiziki zorakılığa və təhqirlərə məruz qalıb.
RATİ-yə verdiyi məlumatda müxbir bildirib ki, 14 dekabr 2007-ci il tarixində “Azadlıq” qəzetinin baş redaktoru Q.Zahidin qanunsuz tutulmasına və ölkədə azad sözün boğulmasına etiraz piketini jurnalist kimi işıqlandırarkən polis tərəfindən döyülüb. Jurnalistin sözlərinə görə, o Səbail rayon 39-cu polis bölməsinə gətirilib və orada təhqirlərə məruz qalıb. Bununla əlaqədar olaraq, Həsənov prezidentin şəxsi elektron ünvanına və Səbail Rayon Məhkəməsinə müraciət edib.