İclasda “Ölkə” qəzetinin baş redaktoru Rəfael Becanov, qəzetin vəkili Azər Rəsulov və iddiaçının nümayəndəsi Əvəz Temirxan iştirak ediblər.
Prosesdə iddiaçının nümayəndəsi “Ölkə” qəzetinin 3 fevral 2011-ci il tarixli sayında təkzib verərək Lalə Şövkət Hacıyevadan üzr istənildiyini qeyd edərək, bu səbəbdən iddialarını geri götürdüklərini bildirib. Qısa müşavirədən sonra hakim barışığın əldə olunduğunu əsas gətirərək şikayətə xitam verilməsi barədə qərar verib.
Xatırladaq ki, “Milli Birlik Hərəkatı”nın lideri Lalə Şövkət Hacıyeva “Ölkə” qəzetinin 11-17 fevral tarixli buraxılışında “”Madam” ləqəbli agent kimdir?” başlıqlı yazısında barəsində həqiqətə uyğun olmayan məlumatların yer aldığını iddia edərək, cavabdehlərin təkzib verməsini, üzr istəməsini və onlardan hər birinin 100 min manat məbləğində cərimələnməsini iddiası ilə məhkəməyə müraciət etmişdi. 13 sentyabr 2010-cu il tarixində Yasamal rayon Məhkəməsi iddianı qismən təmin edərək, qəzetin 4 000 (min) manat cərimələnməsi barədə qərar vermişdi.
Qeyd edək ki, “Ölkə” qəzeti 2008-ci ilin fevral ayında fəaliyyətə başlayıb və həftədə bir dəfə dərc olunur.