HƏMMƏRUZƏÇİLƏR MİRZƏ SAKİTLƏ GÖRÜŞƏ BİLMƏDİLƏR

fevral 8th, 2008
AŞPA-nın Monitorinq Komitəsinin Azərbaycanda səfərdə olan həmməruzəçiləri tərəfindən keçirilən mətbuat konfransında Andres Herkel bildirib ki, o “Azadlıq” qəzetinin əməkdaşı, satirik-jurnalist Mirzə Sakitlə görüşə bilməyib.

Səbəbini isə hava şəraiti və 14 saylı Cəzaçəkmə müəssisəsinə gedən yolun uzaq olması ilə əlaqələndirib. Həmməruzəçi Mirzə Sakitin müalicə müəssisəsinə köçürülməsinə dair məsələyə də toxunub. O qeyd edib ki, “bir neçə gündən sonra Avropa Şurası baş katibinin Azərbaycan üzrə xüsusi nümayəndəsi Denis Bribosia Sakitlə görüşəcək, jurnalist buna qədər müalicə müəssisəsinə köçürüləcək”.
 * Andres Herkelin Mirzə Sakitlə yuxarıda göstərilən səbəblərə görə görüşə bilməməsi bir daha sübut edir ki, jurnalistlə görüşmək onun ailəsi üçün böyük çətinliklər yaradır.