Bu gün (06 may) Xətai rayon Məhkəməsində hakim Hikmət Hüseynovun sədrliyi ilə Daxili İşlər nazirinin müavini, general-leytenant Zakir Həsənovun “Nota” qəzetinin baş redaktoru Sərdar Əlibəyliyə qarşı xüsusi ittiham qaydasında qaldırdığı iddiaya əsasən məhkəmə hazırlıq iclası keçirilməli idi.
Lakin prosesdə iddiaçı tərəfdən nümayəndə iştirak etmədiyindən, hakim hazırlıq iclasını 12 may saat 16:00-a qədər təxirə saldı.
Xatırladaq ki, general-leytenant Zakir Həsənov “Nota” qəzetinin son saylarında Daxili Qoşunlarla bağlı şərəf və ləyaqətini ləkələyən və onu nüfuzdan salan məqalələr dərc edildiyini iddia edərək, Sərdar Əlibəylini Cinayət Məcəlləsinin 147.2 maddəsi (ağır və ya xüsusilə ağır cinayətdə ittiham etməklə böhtan atma) xüsusi ittiham qaydasında məhkəməyə verib.