HƏRBİ JURNALİSTƏ QARŞI TƏXRİBAT OLUB

noyabr 18th, 2008
Ötən həftənin cümə günü (14 noyabr) “Gündəlik Bakı” qəzetinin baş redaktorunun birinci müavini, hərbi jurnalist Üzeyir Cəfərova qarşı təxribat olub.

Bu barədə RATİ-yə məlumat verən Cəfərovun sözlərinə görə, onun şəxsi avtomobilinin əyləc sistemi sıradan çıxarılıb.
“Tıxac olduğu üçün avtomobilimi metronun ”Memar Əcəmi” stansiyasının qarşısında saxlayıb metro ilə işə getdim. Gecə saat 23.30 radələrində isə işdən dönərək avtomobilimə oturub evə getmək istədim. Yaxşı ki, avtomobil sürət götürməmiş əyləcin işləmədiyini aşkarladım. Avtomobili birtəhər saxlayıb, əyləc sisteminə baxış keçəirdim və əyləci  stimullaşdıran borunun kəsildiyini aşkar etdim”, – deyə qeyd edən Cəfərov habelə mütəmadi olaraq izlənildiyini də qeyd etdi.