“Azadlıq” radiosunun Bakı bürosunun rəhbəri Xədicə İsmayılova tutduğu vəzifəsindən istefa verib. Bu barədə bu gün (21 sentyabr) Reportyorların Azadlıq və Təhlükəsizlik İnstitutuna (RATİ) Xədicə İsmayılovanın özü məlumat verib.
X. İsmayılova bu qərara ötən həftə gəldiyini və bundan sonra radioda yalnız jurnalist kimi fəaliyyətinə davam edəcəyini bildirib: “Bu barədə çoxdan düşünürdüm. Ötən həftə rəhbərliklə müzakirə etdik və istefam qəbul olundu. Yaradıcılıq və inzibati işlər bir arada getmirdi. Mən də çox fikirləşib jurnalistikanı, yaradıcılığı seçdim”, – deyə X. İsmayılova vurğuladı.