25 noyabr 2010-cu il tarixində elan edilmiş 103.3 FM tezliyi üzrə radio yayımı müsabiqəsində iştirak etmiş “Obyektiv – Televiziya və Radio Yayım Şirkəti” Məhdud Məsuliyyətli Cəmiyyətin təsisçiləri Emin Hüseynov, Mehman Əliyev və digər iddiaçı Rəsul Cəfərovun Milli Televiziya və Radio Şurasına qarşı bir icraatda birləşdirilmiş iddiaları üzrə şikayət 25 noyabr 2011-ci il tarixində Avropa Məhkəməsinə göndərilib.
Şikayətdə Ərizəçilərin “İnsan Hüquq və Əsas Azadlıqlarının Müdafiəsi Haqqında” Avropa Konvensiyasının 10-cu maddəsində nəzərdə tutulan İfadə etmək azadlığı hüququnun pozuntusunun olduğu qeyd edilib.
Şikayətçilər Avropa Məhkəməsindən Azərbaycanda keçiriləcək 2013-cü il prezident seçkilərinə qədər işə prioritet qaydada baxılmasını xahiş ediblər və bu müraciətə beynəlxalq təşkilatların da qoşulması gözlənilir.
Qeyd edək ki, Ərizəçilərin Avropa Məhkəməsində olan nümayəndəsi Media Hüququ İnstitutunun direktoru Rəşid Hacılıdır.
Xatırladaq ki, Milli Televiziya və Radio Şurası noyabrın 25-dən dekabrın 25-ə kimi 103.3 FM tezliyi üzrə radio yayımı üçün müsabiqə elan etmişdi. Müsabiqədə üç iddiaçı “Obyektiv-Televiziya və Radio Yayım Şirkəti”, “Golden Prince ” MMC və fiziki şəxs Rəsul Cəfərov iştirak edib. Müsabiqənin qalibi isə “Golden Prince” MMC elan edilib. Müsabiqədə iştirak edən digər iddiaçılar qanunun tələbinə əsasən apellyasiya məhkəməsinə müraciət edib. Apellyasiya Məhkəməsi və Ali məhkəmə iddiaçıların şikayətini təmin etməyib.
Qeyd edək ki, 2009-cu ilə qədər 103.3 tezliyində BBC radiostansiyası yayımlanırdı. Lakin 2010-cu il yanvarın 1-dən hökumət BBC-nin və eyni zamanda «Amerikanın səsi» və «Azadlıq» radiolarının yerli tezliklərdə yayımını dayandırıb.
Şikayətçilər Avropa Məhkəməsindən Azərbaycanda keçiriləcək 2013-cü il prezident seçkilərinə qədər işə prioritet qaydada baxılmasını xahiş ediblər və bu müraciətə beynəlxalq təşkilatların da qoşulması gözlənilir.
Qeyd edək ki, Ərizəçilərin Avropa Məhkəməsində olan nümayəndəsi Media Hüququ İnstitutunun direktoru Rəşid Hacılıdır.
Xatırladaq ki, Milli Televiziya və Radio Şurası noyabrın 25-dən dekabrın 25-ə kimi 103.3 FM tezliyi üzrə radio yayımı üçün müsabiqə elan etmişdi. Müsabiqədə üç iddiaçı “Obyektiv-Televiziya və Radio Yayım Şirkəti”, “Golden Prince ” MMC və fiziki şəxs Rəsul Cəfərov iştirak edib. Müsabiqənin qalibi isə “Golden Prince” MMC elan edilib. Müsabiqədə iştirak edən digər iddiaçılar qanunun tələbinə əsasən apellyasiya məhkəməsinə müraciət edib. Apellyasiya Məhkəməsi və Ali məhkəmə iddiaçıların şikayətini təmin etməyib.
Qeyd edək ki, 2009-cu ilə qədər 103.3 tezliyində BBC radiostansiyası yayımlanırdı. Lakin 2010-cu il yanvarın 1-dən hökumət BBC-nin və eyni zamanda «Amerikanın səsi» və «Azadlıq» radiolarının yerli tezliklərdə yayımını dayandırıb.