“Mətbuat azadlığı demokratiyanın ən vacib prinsiplərindən biridir”.
Bu sözləri Böyük Britaniyanın Avropa məsələləri üzrə naziri Cim Mörfi, Prezidentin İcra Aparatının rəhbəri Ramiz Mehdiyevin “Böyük Britaniyada 90 nəfər jurnalist həbsdədir” fikrinə münasibət bildirərkən söyləyib.
C.Mörfi R.Mehdiyevin fikirlərini əsasız adlandırıb: “Mən qürurla deyirəm ki, bizdə həbsdə olan jurnalist yoxdur. Sabah da olmayacaq”, – deyə Mörfi bildirib.
“Sərhədsiz Reportyorlar” isə Ramiz Mehdiyevin may ayının 7-də etdiyi çıxışda təşkilatın hesabatlarını əsassız adlandırmasına cavab verib. Belə ki, təşkilat Mehdiyevin çıxışını qəbul olunmaz hesab edir. “Təşkilatın hesabatları faktlara əsaslanır. Həbsdə olan 3 jurnalist məhz hökuməti tənqid etdiyinə görə həbsdədir”, – deyə “Sərhədsiz Reportyorlar” qeyd edir.