“Respublika” qəzeti oktyabrın 7-dən etibarən çap olunmur. Baş redaktor Teymur Əhmədov mətbuata qəzetin çapının dayanmasına səbəb kimi kağızın tükənməsi, yayım firmalarının redaksiyaya borclu qalmasını göstərsə də, qəzetin bağlanması üçün gözəgörünməz qüvvələrin maraqlı olmasını da diqqətə çatdırıb.
Baş redaktor “Mediaforum” saytına açıqlamasında vurğulayıb ki, “Respublika” dövlət qəzeti kimi tanınsa da, dövlətdən nəsə almır və qəzet abunə hesabına dərc olunur. “Yayım firmaları pulumuzu vaxtında vermədiyinə görə, maliyyə problemi yaranıb. Təkcə “Azərmətbuatyayım”ın qəzetimizə 46 min manat borcu var” – deyən T.Əhmədov əlavə edib ki, hazırda mətbuat yayımı qurumları ilə danışıqlar aparılır və borcları alan kimi qəzetin nəşri bərpa ediləcək.
Qeyd edək ki, “Respublika” qəzetinin təsisçisi Azərbaycan Respublikası Prezidentinin İşlər İdarəsidir.
Qeyd edək ki, “Respublika” qəzetinin təsisçisi Azərbaycan Respublikası Prezidentinin İşlər İdarəsidir.