Sentyabrın 11-dən polis tərəfindən Ruhi Xəstəliklər Dispanserinə yerləşdirilən Naxçıvan şəhər sakini, 57 yaşlı kiçik sahibkar Məhəmməd Qurbanov 29 gündən sonra – oktyabrın 10-da – “Beynəlxalq Psixi Sağlamlıq” günündə evə buraxılıb.
Bu məlumatı Reportyorların Azadlıq və Təhlükəsizlik İnstitutunun (RATİ) Naxçıvandakı müxbirinə M. Qurbanovun özü verib: “Səhhətimdə heç bir problem yoxdur. Dispanserdə mən qəti müalicə olunmamışam, çünki buna ehtiyac da olmayıb”.
Xatırladaq ki, Naxçıvan şəhər sakini, kiçik sahibkar, 57 yaşlı 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etməsinə görə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Ruhi Xəstəliklər Dispanserinə yatırılmışdı.
Xatırladaq ki, Naxçıvan şəhər sakini, kiçik sahibkar, 57 yaşlı 2-ci qrup əlil Məhəmməd Qurbanov Sədərək gömrük-keçid məntəqəsindəki rüşvətxorluq halları, məntəqənin işindəki nöqsanlar barədə mətbuata açıqlama verməsi və bununla bağlı yuxarı instansiyalara, dövlət qurumlarına şikayət etməsinə görə Muxtar Respublika Daxili İşlər Nazirliyinin əməkdaşları tərəfindən Naxçıvan şəhərində yerləşən Ruhi Xəstəliklər Dispanserinə yatırılmışdı.