Noyabrın 19-da Reportyorların Azadlıq və Təhlükəsizlik İnstitutunun mətbuat mərkəzində 89 saylı Göyçay-Ağdaş dairə seçki komissiyasından deputatlığa namizəd olmuş Vidadi İsgəndərov ona qarşı seçkilərlə bağlı Baş Prokurorluq tərəfindən başlanmış cinayət işinə dair mətbuat konfransı keçirib.
Vidadi İsgəndərovun sözlərinə görə, onun barəsində Cinayət Məcəlləsinin 159-1.3-cü (Seçkilərdə (referendumda) başqalarının əvəzinə səs verilməsinə şərait yaratma) -və 160-cı (Seçki (referendum) komissiyalarının işinə müdaxilə etmə və ya təsir göstərmə) maddələri üzrə cinayət işi qaldırılıb və hazırda bu iş üzrə cinayət tərkibi yaradılır. Belə ki, Göyçay rayonunda onun əleyhinə əhalidən ifadələr alınmağa çalışır. Bununla belə, hüquq müdafiəçisi bildirib ki, hazırda ailəsinə və özünə qarşı təzyiqlər davam etdirilir.
Vidadi İsgəndərov bildirib ki, seçki ərəfəsində 6 dəfə onun həyatına sui-qəsd təşkil olunub.