Bu gün (30 aprel) Azərbaycan Milli İstiqlal Partiyasının (AMİP) qərargahında 3 May Ümumdünya Mətbuat Gününə həsr olunmuş dəyirmi masa keçirilib.
Tədbirdə Azərbaycan mətbuatının üzləşdiyi problemlər, xüsusən söz azadlığı, peşəkar etik normalar, eləcə də fiziki və psixi zorakılıqlara məruz qalan jurnalistlərin sayının kəskin şəkildə artması, mərhum jurnalist “Monitor” jurnalının baş redaktoru Elmar Hüseynovun qətli və redaksiyaların hazırkı iqtisadi vəziyyəti geniş müzakirə mövzusu olub.
“Turan” informasiya agentliyinin direktoru Mehman Əliyev çıxışında Azərbaycanda söz və mətbuat azadlığı sahəsində mövcud problemlərdən söz açaraq KİV-ə əsas zərbənin iqtisadi cəhətdən vurulduğunu və jurnalistlərin yaradıcı müstəqilliyinin məhz buna əsaslandığını qeyd edib. Buna misal olaraq çoxsaylı jurnalist həbslərini, hakimiyyətin azad mətbuata qarşı dözümsüz mövqedə olmasını vurğulayan M.Əliyev bu kimi halların profesional jurnalistikanın inkişafına ciddi əngəllər yaratdığını dedi. O, elektron KİV-in 100%-nin, veb-medianın 99%-nin hakimiyyətin və ya qeyri-leqal mənbələrin nəzarəti altında olduğunu deyərək, çıxış yolunu demokratikləşmədə və mövcud sistemin dəyişdirilməsində gördüyünü bildirdi.
Tədbirdə çıxış edən digər iştirakçılar – AMİP-in mətbuat və təbliğat katibi Əli Orucov, Milli Mədəniyyətin Müdafiəsi İctimai Birliyinin (MMMİB) sədri Jalə Cəfərova, “Ümid Partiyası” sədrinin gənclərlə iş üzrə müavini Taleh Əliyev və başqaları söz azadlığının azad cəmiyyətin əsas atributlarından biri olduğunu qeyd edərək, jurnalist peşəkarlığının söz azadlığının ayrılmaz hissəsi olduğunu vurğulayıblar.
“Turan” informasiya agentliyinin direktoru Mehman Əliyev çıxışında Azərbaycanda söz və mətbuat azadlığı sahəsində mövcud problemlərdən söz açaraq KİV-ə əsas zərbənin iqtisadi cəhətdən vurulduğunu və jurnalistlərin yaradıcı müstəqilliyinin məhz buna əsaslandığını qeyd edib. Buna misal olaraq çoxsaylı jurnalist həbslərini, hakimiyyətin azad mətbuata qarşı dözümsüz mövqedə olmasını vurğulayan M.Əliyev bu kimi halların profesional jurnalistikanın inkişafına ciddi əngəllər yaratdığını dedi. O, elektron KİV-in 100%-nin, veb-medianın 99%-nin hakimiyyətin və ya qeyri-leqal mənbələrin nəzarəti altında olduğunu deyərək, çıxış yolunu demokratikləşmədə və mövcud sistemin dəyişdirilməsində gördüyünü bildirdi.
Tədbirdə çıxış edən digər iştirakçılar – AMİP-in mətbuat və təbliğat katibi Əli Orucov, Milli Mədəniyyətin Müdafiəsi İctimai Birliyinin (MMMİB) sədri Jalə Cəfərova, “Ümid Partiyası” sədrinin gənclərlə iş üzrə müavini Taleh Əliyev və başqaları söz azadlığının azad cəmiyyətin əsas atributlarından biri olduğunu qeyd edərək, jurnalist peşəkarlığının söz azadlığının ayrılmaz hissəsi olduğunu vurğulayıblar.