Mayın 31-də Mətbuat Şurasında "Diffamasiya: şərəf, ləyaqət və işgüzar nüfuz media müstəvisində" mövzusunda dəyirmi masa keçirilib.
Tədbirdə çıxış edən Mətbuat Şurasının sədri Əflatun Amaşov bildirdi ki, diffamasiya ilə bağlı sorğu keçiriblər. Sorğunun nəticələrinə görə rəyi soruşulan məmurların 50 faizi diffmasiya haqqında qanunun qəbul edilməsinin əleyhinə olub. O bu sorğu ilə müqayisədə əvvəlki sorğularda məmurların daha çox hissəsinin dfiffamasiya haqqında qanunun əleyhinə olması xatırladıb.
Jurnalistlərin Həmkarlar İttifaqının sədri Müşfiq Ələsgərli isə ötən dövrlərdə diffamasiya ilə bağlı ciddi ictimai müzakirələrin keçirildiyini bildirdi. O hesab etdi ki, bu müzakirələrin məntiqi nəticəsi olaraq diffamasiyaya səbəb olan maddələr gec-tez Cinayət Məcəlləsindən çıxarılacaq.
Qeyd edək ki, 12 ildən artıqdır ki, beynəlxalq qurumlar və ölkənin media qurumları ölkənin cinayət məcəlləsindən 147-ci (böhtan) və 148-ci (təhqir) maddələrinin götürülməsini tələb edir. Rəsmi Bakı isə jurnalistlərin təqibinə səbəb olan bu maddələri Cinayət Məcəlləsindən götürməməkdə israr edir.