“Azadlıq” qəzetinin direktoru Azər Əhmədov və qəzetin əməkdaşı satirik jurnalist Mirzə Sakitin övladları müalicə müəssisəsində Sakitə baş çəkiblər.
Bu barədə RATİ-yə məlumat verən Əhmədov jurnalistin ürək və ayaqlarında ağrıların olduğunu xüsusilə vurğulayıb. O bildirib ki, jurnalist müayinə olunub, lakin həkim diaqnozu hələlik dəqiq açıqlanmayıb. Əhmədov hal-hazırda Sakitin ürəyindən müalicə aldığını bildirib və qeyd edib ki, bir neçə günə onun ayaqlarının müalicəsinə başlanılacaq.