Ədliyyə Nazirliyi Penitensiar Xidmətinin ictimaiyyətlə əlaqələr şöbəsindən RATİ-yə verilən məlumata görə həbsdə olan “Azadlıq” qəzetinin əməkdaşı, jurnalist satirik Mirzə Sakit aclıq aksiyasını dayandırıb.
O da bildirildi ki, M. Sakitin müalicə müəssisəsinə köçürülməsi məsələsinə yenidən baxılacağı üçün jurnalist bu addımı atıb. Məsələni dəqiqləşdirmək üçün RATİ-nin əməkdaşı jurnalistin saxlanıldığı 14 saylı Cəzaçəkmə müəssisəsinin rəisi Ərşad Həsənovla əlaqə saxlayıb. Həsənov hər hansı məlumat verməkdən imtina edərək dəstəyi asıb.Mirzə Sakitin həyat yoldaşı Rəna Zahidova isə RATİ-yə bildirib ki, o həyat yoldaşının aclıq etməsinə əmindir. Zahidovanın sözlərinə görə, bu gün 14 saylı Cəzacəkmə müəssisəsində olmuş bir şəxs (adının çəkilməsini istəməyib) ona bildirib ki, “heç kimin sözünə inanmayın, Sakit aclıq edir“.