Dünən APA-nın yaydığı məlumata görə Avropa Şurası Parlament Assambleyasının (AŞPA) Azərbaycan üzrə həmməruzəçiləri Andres Herkel və Yevgeniya Jivkova Milli Televiziya və Radio Şurasının sədri Nuşirəvan Məhərrəmli ilə görüşüblər.
Məhərrəmli APA-ya bildirib ki, görüşdə əsasən Azərbaycan teleməkanında mövcud olan ziddiyyətlər müzakirə olunub. AŞPA həmməruzəçiləri ilə prezident seçkiləri ərəfəsində müxalifət liderlərinin çıxışlarının efirə verilməsi, namizədlərə telekanallarda bərabər şəraitin yaradılması və bu dövrdə söz azadlığının təmin olunması ilə bağlı fikir mübadilələri aparılıb.