“Azadlıq” qəzetinə təqdim etdiyi şeiri çap olunmadığına görə yanvarın 16-dan aclıq aksiyasına başlayan satirik yazar Mirzə Sakit aksiyanı dayandırıb.
Belə ki, bu gün (19 yanvar) Azərbaycan Demokrat Partiyasının (ADP) qərargahında –satirik şair Mirzə Sakitin aclıq keçirdiyi otaqda “Xural” qəzetinin təşkilatçılığı ilə “Azad mətbuatın azad söz problemi” mövzusunda Dəyirmi Masa keçirilib. Dəyirmi Masa iştirakçıları Mirzə Sakitə sabah – 20 Yanvar hadisələrinin 20-cu ildönümü olduğunu xatırladaraq, aclıq aksiyasını dayandırmağı xahiş ediblər.
Keçirilmiş Dəyirmi Masa ilə bağlı ətraflı məlumat sabah yayılacaq.
Qeyd edək ki, yanvarın 11-də təqdim etdiyi şeiri “Azadlıq” qəzetində çap olunmadığına görə M.Sakit yanvarın 16-da aclıq aksiyasına başlamışdı. “Azadlıq” qəzetinin baş direktoru Azər Əhmədov təhqiredici ifadələr olduğuna görə şeirin çap olunmadığını bildirib. M.Sakit isə bildirir ki, şeirdə diktatura rejimləri sərt tənqid olunsa da, orda təhqiredici ifadələr yoxdur.
Keçirilmiş Dəyirmi Masa ilə bağlı ətraflı məlumat sabah yayılacaq.
Qeyd edək ki, yanvarın 11-də təqdim etdiyi şeiri “Azadlıq” qəzetində çap olunmadığına görə M.Sakit yanvarın 16-da aclıq aksiyasına başlamışdı. “Azadlıq” qəzetinin baş direktoru Azər Əhmədov təhqiredici ifadələr olduğuna görə şeirin çap olunmadığını bildirib. M.Sakit isə bildirir ki, şeirdə diktatura rejimləri sərt tənqid olunsa da, orda təhqiredici ifadələr yoxdur.