“Azadlıq” qəzetinin yazarı, satirik şair Mirzə Sakiti təxribata çəkməyə cəhd göstəriblər. Bu barədə Reportyorların Azadlıq və Təhlükəsizlik İnstitutuna (RATİ) bu gün (27 iyul) Mirzə Sakitin özü məlumat verib: “İki gün qabaq (25 iyul) Nərimanov parkındakı “İstanbul” çayxanasında oğlum və üç dostumla əyləşərək söhbət etdiyim zaman 4 nəfər tanımadığımız naməlum şəxs yanaşı masada əyləşərək bizə söz atmağa başladılar.
Onlar hətta mənim saqqalım haqqında da nalayiq ifadələr işlədirdilər” – deyən M.Sakit vurğuladı ki, onunla əyləşən dostlarından biri həmin 4 nəfərdən birini tanıyıb və onun keçmiş polis mayoru olduğunu deyib. M.Sakit qeyd etdi ki, açıq-aşkar təxribata çəkildiyindən, problem yaratmamaq üçün həmin çayxananı tərk etdik: “Bizi də təxribata çəkərək döymək və Qənimət Zahid, Emin Milli, Adnan Hacızadə kimi xuliqanlıqda ittiham edərək fikrində olduqları hiss olunduğundan çayxananı tərk etdik.
Xatırladaq ki, Sakit Zahidov 2006-ci il iyun ayının 23-də narkotik vasitə ilə şərlənərək həbs olunaraq üç il müddətinə azadlıqdan məhrum edilmiş və 2009-cu ilin mart ayında Amnistiya aktı ilə azadlığa buraxılmışdır.
Xatırladaq ki, Sakit Zahidov 2006-ci il iyun ayının 23-də narkotik vasitə ilə şərlənərək həbs olunaraq üç il müddətinə azadlıqdan məhrum edilmiş və 2009-cu ilin mart ayında Amnistiya aktı ilə azadlığa buraxılmışdır.